قمیک بزرگ یک قوم بزرگ
شاعران قمیکی
چهارشنبه 29 فروردين 1403
قشنگ گئوزلرین آچ بیر، روزگاریمه باخ منه باخ !
یورول میشم ئوز الیمنن، کرده کاریمه باخ منه باخ !
دا قیش قولوم سئوزه گئدمیر، دا گئوزلریم گئورمیر
الیمنن اختیاره آلوبلر،گئل اختیاریمه باخ منه باخ !
سیارکیمین یانیرم من ، توتون چخیر باشدن
ائورک دولوب کولونن ، جای سیگاریمه باخ منه باخ!
سماورین سئسه چخده ، ایچنده قان قینیر
چایین یئرنده قان ایشدم ، زهرماریمه باخ منه باخ !
الیم توتوب بوغازیمدن ، قئوزیر جانیم چخسین
اوتور دامین قراقینده ، المده داریمه باخ منه باخ !
روحیم چخیب آغاجه ، غارغه تک بدن باشینه
اوزیمچه یاس اوخیرم ، غارغاریمه باخ منه باخ !
دئیل لر یاخچه آلیرسن ، سینیخ ساتن جنسه
سینیخ ائورک ساتیرم ، گئل ، بازاریمه باخ منه باخ !
ائورک دولوب قانه آلله ، نه ایسترن مندن ؟
ائورک ورب قان آلیرسن؟ پروردگاریمه باخ منه باخ
حیدری
پاییز 89
